Chromoscope

Chromoscope yw gwefan sydd yn eich gadael i grwydro ein galaeth, y Llwybr Llaethog, trwy amrediad o donfeddi penodol. Os nad ydych yn deall y frawddeg gyntaf, golyga hyn ei bod yn bosib gweld lluniau pelydr-X, isgoch neu lliw arferol o’r galaeth ble bod y ddaear. Y peth diddorol a defnyddiol am hyn yw fod llygaid dyn wedi ei addasu i weld amrediad penodol o donfeddi golau – mae’r retina ar gefn y llygaid dim ond yn sensitif i rai donfeddi, a rhain yw’r tonfeddi yr ydym yn eu synhwyro fel lliwiau gwahanol. Nid ydym yn gallu gweld pelydrau radio na gama, er bod rhain yn athreiddio byd natur.

Gall y math o belydrau roi syniad o’r hyn sy’n eu hallyrru; daw pelydrau-X o sêr gryno, sêr niwtron a thyllau duon. Pelydrau gama o ffrwydriadau mwyaf grymus natur, ym mhellteroedd y bydysawd, ble mae uwchnofa’n creu twll du ac yn troi’n hypernofa.

Y rhan orau o’r gwefan? Mae ar gael yn y Gymraeg. Ymddangosa’n y Gymraeg os yw iaith eich porwr wedi ei osod i’r Gymraeg, neu fedrwch ddewis iaith ar y gwefan ei hun.